IN STORE in your country:
Makedonija   Slovenija   Hrvatska   Srbija   BiH  
Povratak na pocetnu stranu  
  Македонија Вторник, 24.04.2018 || „Агрокор“ продолжува непречено да работи од 15 јули?  |  „П & Г“ презеде дел од портфолиото на „Мерк“ за 3,4 милијарди евра  |  „Гринјард“ бара снабдувачи во Македонија  |  „Сите сити“ - нов систем за донирање вишок храна  |  Медицинска опрема од „Жито лукс“ за четири болници  |  Во „Веро“ - Тафталиџе бесплатен паркинг 30 минути  |  „Млин и пекара Љубаче“ со нова инвестиција  |  Natur Premium пристигнува на македонскиот пазар  |  „Монделез“ вложува 90 милиони евра во „фабрика на иднината“  |  „Рамстор“ го отвори 25.маркет  |  „Хенкел“ отвори нова фабрика Somat во Крушевац  |  „Сан Пелегрино“ со приход од 895 милиони евра  |  „Карфур“ ги отвори првите пунктови испорака за пешаци  |  „Персу“ ги повика локалните производители да соработуваат  |  „Кимберли Кларк“ ќе го проширува капацитетот во Алабама  |  „Витамин“ на саемот во Мостар  |  Владимир Косијер нов генерален директор на „Пивара Скопје“  |  „Амазон“ е во преговори со авио-превозникот „Азул“  |  „Домаќа трговина“ со ново место за пазарење  |  Клучно одобрување на „Бајер“ за „Монсанто“  |   ||
   

Маалска продавница – претставуваме: „Тобако КА-М“

20.12.2017
 

Продавница во центарот на Велес, на едeн од најфреквентните тротоари, конципирана да одговори на разноличните потреби на луѓето од соседството и на многуте минувачи во административното средиште на градот.

Разговараше: Васко Марковски, vasko@instore.mk

И да не го познавате многу Велес, лесно ќе забележите. Местото каде што се наоѓа продавницата „Тобако Ка-М" е такво, што секогаш ќе ви биде попат, од каде и да тргнете. А и да сте од Велес, ќе ви се појави на патот каде и да ве носи секојдневието токму тој ден – во пошта, на преглед кај матичен лекар, кај дерматолог, очно, ушно, во Фонд за здравство, во Пензиско, во Шумското. По велешки кажано, „на главната улица, кај Уред". Соседите од Поштата би рекле: „Благој Ѓорев, бр. 5".

Ете нè во Велес. Токму таму. До договореното време за средба, поглед од другата страна на улицата.

Вратата не мирува. Влези-излези. Тротоарот – врвулица. За секого по нешто. Ситни нешта што ни се потребни секојдневно. Веќе студи. Влегуваат со едната рака в џеб, со другата на кваката, излегуваат со весник под мишка, со кутија цигари, со чоколатце, вода, со мобилниот телефон пред очи, проверувајќи нешто на екранот.

Часовникот го означува договореното време. Ја преминуваме улицата. Влегуваме, токму сред затишје. На број се и домаќините.

Дуќан во кој вратата не мирува. Асортиманот е дизајниран да одговори на сечии потреби, низ разните амбиенти на денот. Што и да побараат муштериите – има.

Нè пречекуваат Кате и Ангел. Кирови. Срдечни, млади, убаво воспитани луѓе. Такви се и со муштериите. Се забележува кога го правиш тоа од срце. Набргу ќе ни се разјасни и името на дуќанот. Ангел заминува по работа; приказната ќе ни ја раскаже Кате.

Ова е семеен бизнис, во склоп на куќата - тука живееме – тука сме од 2003 година. Трговско претпријатие со тројца вработени: јас, Ангел и сестрата на Ангел. Името од почетокот било „Актив", така работеле 10 години, а од 2013 година, откако стапивме во брак со Ангел, името го сменивме во „Тобако Ка-М" – првите букви од нашите имиња и на нашата поголема ќерка, Марија. Сега имаме уште една ќерка, Мила, така што - може ќе додадеме едно двојче кај М-то, ни рече Кате Кирова, дипломиран економист – бизнис-економија, во кусите паузи до влегувањето на следниот муштерија.

Муштериите доаѓаат и заминуваат. Убав збор секому.

Асортиманот е дизајниран да одговори на сечии потреби, низ разните амбиенти на денот. Што и да побараат муштериите – има. Ако се обидеме да сумираме – цигари, кондиторски производи – бомбониери, колачи, кафе, грицки, сладоледи, алкохолни и безалкохолни пијалаци. Но, и играчки, парфеми – наливни и пакувани, весници – дневен печат и списанија, а и можност за дополнување кредит на припејд телефони, од двата мобилни оператори. Сето тоа, убаво, топло, за пример распоредено во просторот од 20 квадратни метри.

Купувачи? Имаме и редовни и минувачи. Имаме – стандард – редовни купувачи за кои уште од врата знаеме што им е потребно, но, имаме и многумина случајни минувачи што одат во Уред, што одат во болницата. Се бара сè што ни е застапено во асортиманот. Не можам да издвојам нешто друго, освен цигарите, кои се на врвно ниво. Одлично одат и алкохолните и безалкохолните пијалоци, ни раскажа Кате.

Времето ни е кусо.

Не се напивте ни кафе!? Не ве послуживме ништо!?

Продолжуваме секој со својата работа. Ги прибираме мислите зад воланот, одмалувајќи коцка по коцка од чоколадото, подарок од Кате, за добар пат.


 
 
 
 
back to top