IN STORE in your country:
Makedonija   Slovenija   Hrvatska   Srbija   BiH  
Povratak na pocetnu stranu  
  Македонија Недела, 27.05.2018 || Hina products се закити со 4 златни медали  |  Тринаесет студенти примени во програмата „Меркатор-С“  |  Скопско Нефилтрирано, ново пиво од „Пивара Скопје“  |  Мора да се вложува во истражувања и во развој  |  Рекордни 15 награди за „Тиквеш“ во Лондон  |  Нов концепт - „Куќа хемије ексклузив“  |  Едукативен и инспиративен ден за паметење  |  Утре се одржува 4. FMCG Summit Скопје 2018  |  „Игло“ ја зголеми продажбата за 15%  |  Ванилата поскапа од среброто  |  Нова инвестиција на „Даути комерц“  |  Потрошувачите ги избраа производите на годината  |  „Хенкел“ останува посветен на продолжување на порастот  |  Цените на индустриските производи пониски на месечно, повисоки на годишно ниво  |  Решенија за поефикасно и поефективно работење  |  Преработувачите очекуваат поголема конкурентност на домашниот пазар  |  „Монделез“ го презема „Тејтс бејк шоп“  |  „Нестле“ ќе го продава кафето на „Старбакс“  |  Плаќање со мобилен телефон во „Меркатор“   |  Се укинуваат временските ограничувања за продажба на алкохол  |   ||
   

Јелица Ивановска: Принципот на Волшебникот од Оз

11.04.2018

Јелица Ивановска
Консултант за организациски развој


„Волшебникот од Оз" е приказна која на сите ни е добро позната. Кога и да го спомнеме името, си споменуваме за Дороти со нејзините сребрени чевлички, Страшилото, лимениот Дрвосечач и Лавот. Необична група која се спојува заради иста цел – да стигне во Смарагдниот Град кај Големиот Волшебник од Оз, кој на секој од нив ќе му помогне да се реализира себеси исполнувајќи му ги желбите. На крајот од приказната сите воодушевено воздивнуваме кога ќе сфатиме дека секој член на овој невообичаен тим ја реализира својата цел само затоа што успева да ја искористи својата лична моќ и да преземе индивидуална одговорност.

Принципот на Оз нѐ учи како да престанеме да бидеме жртви и како да преземеме одговорност за резултатите што треба да ги оствариме и како да ја смениме својата и компаниската професионална култура за да бидеме најдобри во тоа што го работиме.

Кога размислував околу темата за годинешниот FMCG-самит, бев сигурна дека приказната „Волшебникот од Оз" на прв поглед ќе изгледа премногу мека за сите гости на самитот.  Знаете, јас веќе години наназад работам со компании што имаат развиени сектори за продажба во кои работат прекрасни професионалци. Тие во најголема мера се навикнати резултатите од своето работење да ги гледаат, коментираат и да ги подобруваат преку бројки. Да, зборуваат тие и за важноста на луѓето, компаниската култура, одговорноста, развојот на луѓе, но години наназад омилените зборови на моите соговорници се реализација, промет, залихи, време на испорака, дистрибуција, трошоци... профит. И некако соработката со мене ги научи дека тоа се и моите омилени зборови. Само начинот на кој стигнуваме до нив е различен.

Мојот личен став, поткрепен со години искуство, е дека до брилијантност во работењето се стигнува преку промена на културата на однесување во која сите се обидуваме да одглумиме жртви на околностите како изговор за неостварените резултати. Лош шеф, ограничени буџети, неспособни тимови, нестабилни услови за работа во земјата, лоша економска политика... би можеле така до бескрај. Принципот на Оз нè учи како да престанеме да бидеме жртви и како да преземеме одговорност за резултатите што треба да ги оствариме. Принципот на Оз нè учи како да постигнеме индивидуална и компаниска извонредност. Тој нè учи и како да ја смениме својата и компаниската професионална култура за да бидеме најдобри во тоа што го работиме. 

Ете тоа е мојата тема за годинешниот самит. И не, воопшто не е мека и облачеста како што можеби си ги замислувате човечките ресурси. Прекрасна е. Релевантна за секој бизнис. Ќе видите и сами на годинешниот FMCG-самит што ќе се одржи на 17 мај. 

Моќта да си одиш дома цело време беше кај тебе драга моја, само требаше самата да го научиш тоа, Глинда од „Волшебникот од Оз".




 
 
 
 
back to top