IN STORE in your country:
Makedonija   Slovenija   Hrvatska   Srbija   BiH  
Povratak na pocetnu stranu  
  Македонија Среда, 17.10.2018 || Тридневна дружба на вработените на „Макпрогрес“  |  „Лакталис“ го купува „Нестле“ во Малезија за 40 милиони долари   |  Трговците избраа ТОП 100 производи  |  Милијардер купи удел во Starbucks  |  Перутнина Птуј“ ќе продава салами во САД   |  „Метро Бугарија“ воведува автентични млечни продукти  |  Сертификати за компаниите што се фер со потрошувачите  |  „Унилевер“ нема да се сели во Холандија   |  Трговците бираат топ 100 производи   |  Битола стана дел од големиот проект „Coca-Cola Активни зони“   |  Производителите на чоколадо се насочуваат кон Исток   |  Трошоците на живот на месечно ниво намалени, на годишно имаат раст   |  Расте добивката на „ПепсиКо“   |  „Нестле“ е заинтересиран да купи бренд за минерална вода  |  Германските трговци продаваат преку интернет   |  Нов „Стокомак“ во Тетово  |  Експресна услуга на нова локација во Струга  |   Увозот на храна расте побрзо од извозот   |  Во септември пад на светските цени на храната   |  „Фуд стар“ ќе извезува пилешко месо во Кина   |   ||
   

Арјен Рајнирсе: Потрошувачите се нашата главна инспирација

18.02.2013
Арјен Рајнирсе, комерцијален директор на АД „Пивара Скопје"
 
Потрошувачите се нашата главна инспирација
 
Актуелноста и значењето на брендот се одржува преку врвното мајсторство, најфините состојки, иновациите, страста, желбата за врвност и силен фокус на потрошувачите.


Приказната на АД „Пивара Скопје" се создава речиси девет децении. Оваа приказна почнува во далечната 1922 година, а компанијата со своите перформанси со години наназад се вбројува меѓу десетте најдобри компании на национално ниво, со годишно производство од над милион хектолитри пиво и безалкохолни пијалаци. Еден од најстарите и најпрепознатливите брендови на „Пивара", е Скопско, коешто се произведува уште од далечната 1924 година. 

Во 1991 година „Пивара" почнува со проширување на своето производствено портфолио, кога во него ги вклучува светски познатите Coca-Cola и Fanta. Од 1994 година македонските потрошувачи можеа да уживаат во вкусовите на Sprite, а во 2000-та „Пивара" го донесе и Schweppes. Од пивските брендови, во 2001 година во портфолиото на компанијата влегува и Amstel, а во 2002 година Heineken. Во 2003 година во продажба е пуштен уште еден македонски пивски бренд – Горско. И денес компанијата бележи значителни резултати. Според изданието „200 најголеми и најуспешни" за 2011 година, компанијата се наоѓа на 12-то место на листата најуспешни компании, со вкупен приход од 3.567.053.892 денари, со 371 вработен.

Она што е значајно за една компанија е нејзиниот пристап до потрошувачите, одржувањето на квалитетот и актуелноста на брендот, но и инвестирање во нови подобри капацитети на компанијата. За ова и многу повеќе разговаравме со комерцијалниот директор на АД „Пивара Скопје", Арјен Рајнирсе.

Нè очекува година на избори и, според експертите, година на продлабочена економска криза. На каква 2013 година е подготвена „Пивара Скопје" во Македонија?

Со оглед на тоа што години наназад „Пивара Скопје" е предводник на пазарот, не само поради брендовите, туку и со иновациите што ги воведe на пазарот, постоејќи како одговорен граѓанин во општеството во кое живееме и работиме. Работиме во период на тешка и бурна економска средина, но треба да го одржуваме фокусот на позитивните движења за да постигнуваме позитивни резултати. Нашиот план за оваа година е уште повеќе да ја унапредиме нашата неоспорна лидерска позиција преку нашето целосно портфолио.

Кои брендови се најзаслужни за добрите резултати на компанијата? Каков е процентуалниот удел на продажбата на пивските наспроти безалкохолните брендови?

Најдобриот микс на портфолио во класата, одличните изведби на пазарот и движењето кон успехот е добитната комбинација. Да, некои од брендовите придонесуваат повеќе од останатите, но успехот не се гради само врз продажбата на еден бренд. Во 2012 година лансиравме два нови бренда што значително ги поддржаа и придонесоа за постигнување на позитивните резултати во нашето работење.
 
Како што кажавте, во 2012 година ги воведовте Скопско Radler и ледениот чај Nestea. Колку сте задоволни од нивното лансирање? Каде беше потешко да се пробијат новите производи: кај вашите купувачи или кај крајните потрошувачи?

Skopsko Radler беше лансиран во април 2012 година како екстензија на брендот Skopsko и оттогаш покажува нагорен тренд во резултатите и во фитбекот од страна на потрошувачите. Бидејќи категоријата на пиво со вкус во Македонија се наоѓа во почетната фаза, потрошувачката база сè уште се шири, но и покрај тоа можеме со сигурност да кажеме дека постои специфичен сегмент во коj потрошувачот има потреба од двојно, природно освежување за возрасни, кое ќе биде задоволено со Skopsko Radler. 

Ледените чаеви претставуваат еден од најбрзорастечките сегменти на пазарот на негазирани сокови. Иновативниот тим на АД „Пивара Скопје" е посветен на следење на тенденциите на пазарот и на задоволувањето на желбите на потрошувачите. Нивната потрага по нови вкусови ни потврди дека Nestea е апсолутниот избор. Тоа е пијалак наменет за оние што водат активен живот и бараат несекојдневни и различни искуства. Но, не можеме да успееме сами. Одличниот пазарен резултат е изграден преку долгорочната соработка со нашите потрошувачи, дејствувајќи како партнери и заеднички постигнувајќи ги заемните цели за да се задоволат потребите на потрошувачот, за да се постигнат одлични резултати во продажбата со релевантен профит.

Дали овие производи стекнаа нови потрошувачи или, едноставно, дојде до прегрупирање на постојните потрошувачи?

Skopsko Radler го поплочи патот на нова пивска поткатегорија, зацврстувајќи ја водечката улога и привлекувајќи нови потрошувачи во оваа категорија на пива. Од овој степен, можеме да кажеме дека не се случи канибализација. Напротив, пивската категорија имаше корист од многуте нови потрошувачи привлечени од него. 
Врз основа на неколку истражувања, како и на тоа дека ледениот чај е растечка категорија, изворот на волуменот главно е од новите потрошувачи. Како и да е, неизбежно е и повлекување на одреден волумен од веќе постоечката база на потрошувачи.
 
Прочитајте повеќе во печатеното и електронското издание на InStore бр.4



 
 
 
 
back to top